Keçid linkləri

Təcili xəbərlər
2018, 15 Avqust, çərşənbə, Bakı vaxtı 09:17

İran bankı Bakı şəhər İcra Hakimiyyətini məhkəməyə verib


Bank Melli Iran

Bakı şəhər İcra Hakimiyyəti «Bank Melli Iran»a (İran Milli Bankının Bakı filialı) məxsus binanı söküb. Ancaq tərəflər kompensasiyaya dair razılığa gələ bilmirlər.

Bu barədə məlumat bankın 2016-cı il üzrə audit hesabatında öz əksini tapıb.

Məlumatda bildirilir ki, 9 mln. 295 min 964 manat dəyərində olan binanın sökülməsi ilə bağlı sərəncam 2014-cü il noyabrın 18-də verilib.

Sənəddə vurğulanıb ki, tərəflər kompensasiyaya dair razılığa gələ bilmirlər:

«Hazırda bank dəymiş zərər üzrə kompensasiya əldə etmək üçün tədbirlər görür. Bu məsələyə 1 saylı Bakı İnzibati-İqtisadi Məhkəməsində baxılır. Bank binanın sökülmə tarixində xalis qalıq dəyərinə iddia edir. Binanı 2013-cü il iyulun 3-də Müstəqil Qiymətləndirici Şirkət yenidən qiymətləndirib. Binanın qiymətləndirmədən sonrakı ədalətli dəyəri 9 mln. 400 min manat təşkil edib»,-deyə hesabatda bildirilir.

Məsələyə, hələlik, Bakı şəhər İcra Hakimiyyətinin münasibətini almaq mümkün olmayıb

İran Milli Bankının Bakı filialı 1993-cü ildən fəaliyyət göstərir.

Günün bütün mövzuları

XS
SM
MD
LG