Kimin ağlına gələrdi?
1992-ci il mayın 9-u...
Paytaxtda Şuşanın alınması xəbərləri dolaşır.
Rəsmilər bu xəbəri yalanlayırlar...
Elə çoxları inanmaq istəmir.
Alinmaz qalanın alındığına şübhə ilə yanaşır.
Heyhat!..
Güvəndiyin dağlara da qar yağarmış...
Yağdı da...
Düz 25 ildir əziz şəhər düşmən tapdağındadır.
Düz 25 ildir 8 may matəm günü kimi qeyd olunur.
Şəninə şeirlər yazılan, mahnılar qoşulan sevgili şəhərə matəm yaraşmasa da...
Qəribə təzaddır.
Şuşanın alınması gününü “9 May Qələbə Günü”ndən bircə gün ayırır...
Bəlkə təsadüf deyil?
Bəlkə bu, qələbənin- Şuşaya qovuşmağın bircə addımlığından xəbər verir?
Bəlkə də...
Hələliksə mayın 8-i tarixə Şuşanın çöküşü günü kimi düşüb.
Və bu tarix əsrin dörddə biridir elə hey xatırlanır...
AzadlıqRadiosunun “İZ” proqramı bu həftə efirə gedəcək sayını Şuşaya həsr edib.
Şəninə şeirlər yazılan, mahnılar qoşulan sevgili şəhərə.
Mayın 7-də saat 23-də “İz”ə düşün.
“İz”dən çıxmayın.
