Novruz Məmmədov: ‘ABŞ-ın özündə çox ciddi problemlər var’

“Hələlik ABŞ-ın yeni administrasiyasının Azərbaycanla münasibətləri ilə bağlı dəqiq proqnoz verə bilmirəm”.

Bu sözləri Prezident Administrasiyası rəhbərinin müavini və Xarici Əlaqələr şöbəsinin müdiri Novruz Məmmədov bildirib.

Buna da bax:​ 'Əli Əhmədov əsasən düz deyir, amma...'

N.Məmmədov vurğulayıb ki, hazırda Ağ Ev və Dövlət Departamenti bir tərəfdən dünyada gedən mühüm proseslərlə çox məşğuldur, digər tərəfdən ABŞ-ın özündə bu gün çox ciddi problemlər var.

“Onlar beynəlxalq və daxili problemləri tənzimləməklə məşğuldurlar”, deyə o qeyd edib.

N.Məmmədov düşünür ki, bir qədər sonra Azərbaycanla bağlı məsələlərə də vaxt gəlib çatacaq.

Buna da bax:​ Baş nazirin müavini də dilə gəldi [video]

“Keçmiş təcrübəni nəzərə alaraq, ABŞ-Azərbaycan arasındakı bu gün ki, münasibətlər daha konstruktiv, daha anlaşıqlı, daha qarşılıqlı faydalı maraqları nəzərdə tutaraq inkişaf etməlidir. Buna dünyanın da, Azərbaycanın da, ABŞ-ın da ehtiyacı var”, N.Məmmədov vurğulayıb.