Keçid linkləri

Təcili xəbərlər
2018, 19 Sentyabr, çərşənbə, Bakı vaxtı 07:47

Əli İnsanovun məhkəməsinin vaxtı bilindi


Keçmiş səhiyyə naziri Əli İnsanov.

Həbsdə olan keçmiş səhiyyə naziri Əli İnsanova açılmış cinayət işi üzrə məhkəmə başlayır.

Bunu AzadlıqRadiosu-na keçmiş nazirin vəkillərindən Toğrul Babayev bildirib.

Vəkilin bildirdiyinə görə, keçmiş nazirin cinayət işinə aprelin 7-də Qaradağ rayon Məhkəməsində baxılacaq.

Buna da bax:​ Əli İnsanovun həbs müddəti daha bir ay uzadıldı

Xatırlatma

Keçmiş səhiyyə naziri Əli İnsanov 2005-ci ilin oktyabrında dövlət çevrilişinə cəhd ittihamı ilə həbs olunub. Sonradan o, iqtisadi cinayətlərdə ittiham olunaraq 11 il həbs cəzası alıb.

2016-cı ilin oktyabrında Əli İnsanovun həbs müddətinin bitməsinə az bir vaxt qalmış ona Cinayət Məcəlləsinin üç maddəsi ilə yeni ittiham irəli sürülüb.

Söhbət Cinayət Məcəlləsinin 234.1-ci (Satış məqsədi olmadan qanunsuz olaraq narkotik vasitələri əldə etmə və ya saxlama), 315.2 (Hakimiyyət nümayəndəsinə xidməti vəzifələrini yerinə yetirərkən sağlamlıq üçün təhlükəli olmayan zor tətbiq etməklə müqavimət göstərmə) və 317-2.1-ci (Cəzaçəkmə müəssisələrində qadağan olunmuş əşyaların hazırlanması) maddələrindən gedir. İttihamlar təsdiqlənərsə onu daha 3 ildən 7 ilə qədər həbs gözləyir.

Buna da bax:​ Əli İnsanov ev dustaqlığına buraxılmadı

Qaradağ rayon Məhkəməsi prokurorluğun təqdimatı əsasında keçmiş nazirin həbs müddətinin artırılması haqqında qərar çıxarıb. Ə.İnsanov ittihamları onun həbsdən buraxılmaması məqsədilə irəli sürülmüş “saxta ittihamlar” adlandırıb.

Avropa İnsan Hüquqları Məhkəməsi Ə.İnsanovun hüquqlarının pozulduğunu tanıyıb. Ancaq Azərbaycan hakimiyyəti hökmü dəyişdirməyib. Avropa Şurası Nazirlər Kabineti dəfələrlə Azərbaycan hökumətini Avropa İnsan Hüquqları Məhkəməsinin qərarını yerinə yetirməyə çağırıb.

Buna da bax:​ İşçi Qrup: 'Bütün siyasi məhbusları azad edin'

Hüquq-müdafiə təşkilatları Ə.İnsanovu “siyasi məhbus” kimi tanıyır.

Günün bütün mövzuları

XS
SM
MD
LG