Bu haqda Oscar Akademiyası açıqlama yayıb.
Fevralın 26-sı axşamı Oscar Akademiyası Oscar mükafatlarının təqdimetmə mərasimində "Ən yaxşı film" nominasiyasında mükafatı seçilmiş film "Moonlight" (Ay işığı) əvəzində "La La Land" filminə verib. Bu yanlış az sonra düzəldilsə də böyük qalmaqal yaranıb və Oscar Akademiyası bir neçə gün sonra buna görə üzr istəyib.
Akademiya yaydığı açıqlamada səhvə görə dərindən mütəəssür olduqlarını bildirib. ""La La Land" və "Moonlight" (Ay işığı) filmlərinin yaradıcı heyyətlərindən, Faye Dunaway və Warren Beatty'dən və dünya boyu bizim təqdimetmə mərasimini televiziya başında izləyən tamaşaçılardan üzr istəyirik" - deyə məktubda bildirilir.
Buna da bax: 'Oscar'ı 'Ay işığı'na 'La La Land' təqdim etdi
83 ildir Oscar mükafatlarının səsverməsini və təqdimetmə mərasimini təşkil edən PricewaterhouseCoopers (PwC) da yaydığı açıqlamada baş verənlərin əməkdaşların səhvi ucbatından olduğunu bildirərək üzr istəyib.
Əslində nə baş vermişdi...
Fevralın 28-i Los Angeles şəhərində 89-cu Oscar Mükafatı təqdmietmə mərasimində "İlin ən yaxşı filmi"ni elan etmək üçün səhnəyə iki aktyor Warren Beatty və aktrisa Faye Dunaway dəvət olunub. Warren Beatty'yə səhv zərf verildiyi üçün o zərfdə yazılanı oxumazdan əvvəl bir az tərəddüt edib, zərfdə ən yaxşı qadın aktrisa "La La Land" filmindən Emma Stone yazılmışdı. Ancaq Faye Dunaway bunun həm də "Ən yaxşı film" nominasiyasında seçilən filmin "La La Land" olduğunu düşünərək beləcə də elan etmişdi. Filimin yaradıcı heyyəti minnətdarlıq çıxışını etmək üçün səhnəyə gələndən az sonra "Ən yaxşı film" nominasiyasında seçilən filmin əslində "Moonlight" olduğu aydınlaşıb.