50 nəfərlik hərbi qrup Əfqanıstandan qayıdıb

NATO-nun «Qətiyyətli Dəstək» qeyri-döyüş missiyasının tərkibində fəaliyyət göstərən Azərbaycan Silahlı Qüvvələrinin 50 nəfərdən ibarət qrupu plana uyğun, rotasiya qaydasında Bakıya qayıdıb.

Xəbəri Müdafiə Nazirliyi yayıb.

NATO «Qətiyyətli Dəstək» qeyri-döyüş missiyasını Əfqanıstanda 2015-ci ilin yanvar ayından həyata keçirir.

Azərbaycan Silahlı Qüvvələrinin Əfqanıstandakı sülhməramlı missiyası 2002-ci il noyabrın 20-dən başlayıb.

Hazırda Azərbaycan ordusunun 90 hərbi qulluqçusu, 2 hərbi həkimi və mühəndis-istehkam ixtisası üzrə 2 zabiti Əfqanıstandakı missiyada iştirak edir.