Amerika mətbuatı Manhettendə partlayışla bağlı 5 nəfərin həbs olunduğunu yazır. Sentyabrın 17-də Nyu-Cersi, bir az sonra isə Manhettendə partlayış olmuşdu.
Nyu-Cersidə xəsarət alan olmasa da, Manhettendə 29 nəfər yaralanıb. Federal Tədqiqat Bürosu partlayış üçün istifadə olunan bombaları kimin qoyduğunu aydınlaşdırmağa çalışır. Hadisə ilə bağlı məsuliyyəti kimsə üzərinə götürməyib.
Rəsmilər də partlayışların hansısa terrorçu qrup tərəfindən planlandığına dair dəlil olmadığını bildirirlər.