Əfqanıstanda 60-dan çox adamın ölümü ilə nəticələnmiş terror aktını «İslam Dövləti» (İŞİD) qruplaşması öz üzərinə götürüb.
İyulun 23-də paytaxt Kabildəki De Mazang meydanında etnik xəzərlərin etiraz aksiyası zamanı partlayış olub. Aksiyaçılar yaşadıqları ərazidə yeni elektrik xəttinin salınmasına etiraz edirdilər.
Partlayışı etirazçıların arasına qatılan iki nəfər törədib.
Əfqanıstan Səhiyyə Nazirliyinin məlumatına görə, partlayış nəticəsində azı 61 nəfər ölüb, 207 nəfər yaralanıb.