ABŞ prezidenti Barack Obama Dallasda polislərin qətlindən sonra Avropaya dördgünlük səfərini yarımçıq kəsib və vətəninə qayıdır.
Barack Obama NATO-nun sammitində iştirak etmək üçün Varşavaya gəlmişdi.
25 yaşlı afroamerikalı Micah Johnson ağdərili adamları görməyə gözü olmadığını bildirib. O, ağdərili 5 polis əməkdaşını qətlə yetirib, bir neçəsini yaralayıb.
Obama olayı kəskin tənqid edib. O, gələn həftə Dallasda merlə görüşəcək və polislərin işi ilə bağlı müzakirələrə qoşulacaq.
İyulun 7-də keçirilən dinc etiraz aksiyası zamanı snayperlə 5 polis öldürülüb, 7 nəfərsə xəsarət alıb.
Polisin məlumatına görə, snayperlər azı iki nəfər olub.
Aksiyaçılar həmin vaxt polisin 2 afroamerikalını güllələməsinə etiraz edirmişlər.