Bu gün növbəti valyuta hərracı keçirilib. Azərbaycan Dövlət Neft Fondu bildirir ki, hərraca 50 milyon ABŞ dolları çıxarıb. Bu vəsait hərraca qatılan 29 banka satılıb.
Son aylar keçirilən hərraca çıxarılan bütün vəsait, bir qayda olaraq, satılır.
Müstəqil iqtisadçılar deyir ki, indi dollara ölkədə yenidən böyük tələb hiss olunur. Onların fikrincə, hərraca 50 milyon dollardan da artıq vəsait çıxarılarsa, yenə hamısı satılar.