Keçid linkləri

2024, 29 Mart, Cümə, Bakı vaxtı 08:40

Özünü körpüdən atmaq istəyənlər xilas edilib


Foto illüstrasiya
Foto illüstrasiya

Bu gecə Bakıda iki nəfərin özünü Cavanşir körpüsündən ataraq intihar etmək istədiyi bildirilir.

Xəbəri Fövqəladə Hallar Nazirliyinin Böhran Vəziyyətlərində İdarəetmə Mərkəzi yayıb. Mərkəzin yaydığı açıqlamaya görə, Bakı şəhəri, Xətai rayonunda 2 nəfərin Cavanşir körpüsünün üzərinə çıxaraq intihar etmək istəmələri barədə məlumat alıblar.

«Dərhal Nazirliyin Xüsusi Riskli Xilasetmə Xidmətinin qüvvələri hadisə yerinə göndərilib. Aparılan psixoloji söhbət nəticəsində intihara cəhdin qarşısı alınıb və vətəndaşlar aidiyyəti üzrə təhvil veriliblər. Əməliyyat saat 00:47-də başa çatıb»,-deyə məlumatda qeyd edilir.

Məlumatda intiharın səbəbi və xilas edilənlərin şəxsiyyəti haqqında heç nə bildirilmir.

Son vaxtlar Azərbaycanda intiharların sayının artdığı deyilir. Ancaq ölkədə intiharların səbəbini araşdıran ayrıca mərkəz fəaliyyət göstərmir.

XS
SM
MD
LG