Ukrayna Azərbaycana beynəlxalq «Baltik dənizi-Qara dəniz-Xəzər dənizi» nəqliyyat dəhlizinin yaradılması haqqında saziş layihəsini təqdim edib.
«Turan»ın xəbərinə görə, bu barədə Ukraynanın Regional İnkişaf Nazirliyinin mətbuat xidməti məlumat yayıb.
Ukrayna baş nazirinin müavini Hennadiy Zubko-nun deməsinə görə, nəqliyyat dəhlizi bir neçə yük marşrutunu birləşdirir.
H.Zubko iyunun 1-də Azərbaycana işgüzar səfərə də gəlib.
NazirBakıda iqtisadi əməkdaşlıq üzrə Azərbaycan-Ukrayna birgə hökumətlərarası komissiyasının 11-ci iclasında iştirak edib.
Həmçinin H.Zubko Azərbaycanın rəsmi şəxsləri ilə ikitərəfli görüşlər keçirib.
Azərbaycan hökumətinin bu təklifə münasibəti isə, hələlik, bəlli deyil.