-
ATƏT-in fəaliyyətdə olan sədri, Almaniyanın xarici işlər naziri Frank-Valter Ştaynmayer iyunun 30-da Azərbaycana gələcək.
Azərbaycan Xarici İşlər Nazirliyinin səfərlə bağlı yaydığı məlumatda belə deyilir.
Səfər çərçivəsində Frank-Valter Ştaynmayerin xarici işlər naziri Elmar Məmmədyarovla görüşü nəzərdə tutulub. Görüşdə dağlıq Qarabağ münaqişəsinin müzakirə ediləcəyi gözlənilir.
Görüşdən sonra birgə mətbuat konfransı keçirilməlidir.
Bu gün Ermənistanda olan Ştaynmayerin Azərbaycandan sonra Gürcüstana gedəcəyi bildirilir.