►Bu xidmətə görə, ödəniş tələb olunmur
Məhkəmə qərarı ilə borcu olan Azərbaycan vətəndaşlarının ölkədən çıxışlarına qadağa qoyulub-qoyulmadığını Ədliyyə Nazirliyinin saytı üzərindən öyrənmək olar.
Nazirliyin istifadəyə verdiyi elektron xidmətlər buna imkan verir. Xidmət “Borclunun ölkədən getmək hüququnun müvəqqəti məhdudlaşdırılması barədə məlumatın verilməsi” adlanır.
*Youtube Kanalımıza abunə ol və gündəlik video xəbərləri bizdən izlə!
Xidmətdən istifadə qaydaları olduqca sadədir. Vətəndaşlar öz şəxsiyyət vəsiqələrinin seriya və nömrəsini daxil etməklə dərhal adlarının ölkədən çıxışına qadağa qoyulanlar sırasında olub-olmadığını dəqiqləşdirə biləcəklər.
Bu xidmətə görə, ödəniş tələb olunmur.
Xidməti aşağıdakı linkə daxil olmaqla test etmək olar.
Bir neçə gün əvvəl Ədliyyə Nazirliyi kollegiyası məhkəmə qərarlarının icra edilməməsi və vergi borcunu ödəməkdən yayınmaya görə, ölkədən çıxışa qadağa qoyulması qaydalarına düzəlişlər edilib.
Düzəlişlərə görə, ölkədən çıxışına qadağa qoyulmuş vətəndaşlara bununla bağlı öncədən mütləq bilgi verilməlidir. Məhkəmə qərarı aidiyatlı şəxsə ya icra məmuru, ya da müəyyən olunmuş qaydada sifarişli poçt göndərişi ilə çatdırılmalıdır.
Digər düzəlişə görə isə, mülkiyyətində əmlak olan şəxslərin xaricə çıxışına qadağa qoyulması ilə əlaqədardır. Əgər borclunun mülkiyyətində olan əmlakın dəyəri borcun həcmindən böyükdürsə, onun xaricə çıxışına məhdudiyyət qoyula bilməz.
Azərbaycanda bəzən isə vətəndaşın ölkədən çıxışına məhkəmə və istintaq orqanının qərarı olmadan da qadağa qoyulduğu deyilir. Belə halların, əsasən siyasi işlərlə bağlı olduğu bildirilir. Belə hallarda həmin şəxsin adının ölkədən çıxışına qadağa qoyulan insanların siyahısına salınmadığı da qeyd edilir. Qadağan göstərişinin şifahi şəklidə verildiyi deyilir.
Həmçinin baxın - AzadlıqRadiosu Youtube Kanalında İzləyin:
Formula 1 - Oturacaqlar niyə boş olub? - [Cavabı belə əsaslandırırlar]
