-
İyunun 11-i Bakı və Abşeron yarımadasında havanın dəyişkən buludlu olacağı, gün ərzində əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentinin xəbərinə görə, Abşeronda gecə 15-18, gündüz 20-24, Bakıda gecə 16-18, gündüz 22-24 dərəcə isti olacaq.
Sabah ölkənin rayonlarında isə şimşək çaxacağı, arabir yağış yağacağı bildirilir. Yağıntının bəzi yerlərdə leysana çevriləcəyi, dolu düşəcəyi ehtimal edilir. Gecə 13-18, gündüz 22-27, dağlarda gecə 6-11, gündüz 11-16 dərəcə isti olacaq.
Son həftə ölkənin müxtəlif bölgələrinə dolu düşdüyü bildirilir. Bunun əkin sahələrinə ciddi ziyan vurduğu qeyd edilir. Üstəlik, aramsız yağan yağışların torpaq sürüşmələrinə səbəb olduğu deyilir.