Keçid linkləri

Təcili xəbərlər
2020, 01 Dekabr, çərşənbə axşamı, Bakı vaxtı 10:48

E.Məmmədyarov Brüsselə gedib


Elmar Məmmədyarov

-

Azərbaycan xarici işlər naziri Elmar Məmmədyarov mayın 31-də Brüsselə gedib.

Nazirliyin mətbuat xidmətinin rəhbəri Hikmət Hacıyev AzadlıqRadiosuna deyib ki, E.Məmmədyarov NATO-nun mənzil-qərargahında keçiriləcək Azərbaycan - NATO iclasında iştirak edəcək: «NATO-nun ali orqanı kimi Şimali Atlantika Şurasında nazirin çıxışı və bir sıra ikitərəfli görüşləri gözlənilir».

H.Hacıyev qeyd edib ki, səfər çərçivəsində E.Məmmədyarovun Brüsseldə ATƏT Minsk qrupunun həmsədrləri ilə görüşü də nəzərdə tutulub. Bu görüşün mayın 31-də gerçəkləşəcəyi gözlənir: «Həmsədrlərlə indiki görüş həm də Qarabağ münaqişəsinin tənzimlənməsi üçün Vyanadan başlanan danışıqların tərkib hissəsidir».

ATƏT-in Minsk qrupu həmsədrlərinin təşəbbüsü ilə mayın 16-da Vyanada Azərbaycan və Ermənistan prezidentlərinin görüşü keçirilib. Həmin görüşdən sonra həmsədrlərin yaydığı bəyanatda deyilirdi ki, tərəflər Qarabağ münaqişəsinin sülh yolu ilə həllinə bir daha sədaqətlərini bəyan ediblər.

Tərəflərin iştirakı ilə daha bir görüşün iyunda keçiriləcəyi haqda informasiyalar yayılıb.

XS
SM
MD
LG