-
Bu gün Bakıda keçirilən 17 yaşlılardan ibarət komandalar arasında futbol üzrə Avropa çempionatına yekun vurulacaq. Finalda Portuqaliya ilə İspaniya qarşılaşacaqlar.
Bu həlledici qarşılaşma «8-ci Kilometr» qəsəbə stadionunda Bakı vaxtı ilə saat 20:00-da başlayacaq.
Yarışlarda 16 komanda iştirak edirdi. Çempionata Portuqaliya komandasına 0:5 hesablı məğlubiyyətlə başlayan Azərbaycan komandası qrup mərhələsini adlaya bilməyib. Qrupdakı digər iki oyunda Azərbaycan Şotlandiyanı 1:0 hesabı ilə məğlub etsə də, Belçika komandası ilə xalları bölüşdürmüşdü. Həmin oyun 1:1 hesabı ilə başa çatmışdı. Azərbaycan qrupda 4 xal toplamışdı.