-
Mayın 6-da Silahlı Qüvvələrin Hərbi Akademiyasında Azərbaycan-NATO birgə fəaliyyət planı üzrə bu qurumun ekspert qrupu yerli hərbçilərə seminar keçib.
Bu haqda Müdafiə Nazirliyinin mətbuat xidməti xəbər verir.
Mətbuat xidmətinin bildirməsinə görə, seminar ikinci dərəcəli kapitan Andreas Hildenbrand-ın rəhbərliyi ilə keçirilib. Seminarda Silahlı Qüvvələrin Hərbi Akademiyasının, Ali Hərbi Məktəbin və Cəmşid Naxçıvanski adına Hərbi Liseyin professor-müəllim heyəti iştirak edib.
Seminar çərçivəsində NATO-da tətbiq edilən müasir tədris prosesi və metodologiyalar haqqında iştirakçılara məlumat verilib.