Sahibkarın razılığı olmadan kommersiya və bank sirrinin qanunsuz istifadə edilməsi, ixrac nəzarətinə aid sənəd və bilgilərin yayılması ilə bağlı cəzalar ağırlaşdırılacaq. Parlamentin bundan ötrü, Cinayət Məcəlləsinin 202.2 və 202-1.2-ci maddələrinə dəyişikliklər edəcəyi gözlənilir. Dəyişiklik təqdimatı ölkə başçısından gəlib.
APA-nın xəbərinə görə, məcəllənin 202.2-ci maddəsinə yeni dəyişiklikdə vurulmuş ziyanın 3 mislindən 5 mislinə qədər cərimə və ya 2 il islah işləri nəzərdə tutulur. Üstəlik, altı ayadək həbs cəzası da verilə bilər. Məcəllənin hazırkı mətnində cərimə məbləği 500-dən 1000 manata qədərdir.
Məcəllənin 202-1.2-ci maddəsinə təklif edilən dəyişikliyə görə isə, ixrac nəzarətinə aid sənəd və məlumatları yayma ziyanın 3 mislindən 5 mislinə qədər cərimə nəzərdə tutur. Üstəlik, 2 il islah işləri və ya eyni müddətə həbs. Bu maddədə də yalnız cərimə hissə dəyişir.
Dəyişiklik layihəsi parlamentin növbəti iclasında müzakirə olunacaq.