-
BMT baş katibi Ban Ki-moon-un Cənubi Qafqaza bu ayın sonuna planlaşdırılan səfərinin gerçəkləşməyəcəyi bildirilir.
«Report» bu xəbəri BMT baş katibinin mətbuat katibi Stéphane Dujarric-ə istinadən yayıb .
«Baş katib regiona səfər etmək istəsə də, mühüm səbəblərə görə, həmin günlərdə başqa yerdə olmalıdır. Cənubi Qafqaza səfərin müddətlərinə yenidən baxılacaq», - deyə mətbuat katibliyindən bildiriblər.
BMT baş katibinin aprelin 25-dən 27-nə kimi Azərbaycan, Ermənistan və Gürcüstana səfər edəcəyi deyilirdi.
Ban Ki-moon-un Bakıda keçiriləcək Sivilizasiyalar Alyansının VII Qlobal Forumunda da iştirak etməsi gözlənilirdi.
Onun səfərinin təxirə salınmasını BMT-nin Azərbaycan ofisinin də təsdiq etdiyi deyilir.