-
Füzuli və Xocavənd istiqamətində vəziyyət nisbətən stabildir.
Bunu «Report»a Müdafiə Nazirliyinin mətbuat xidmətinin rəhbəri Vaqif Dərgahlı deyib.
Nazirliyin sözçüsü bildirib ki, Ağdərə və Tərtər istiqamətində vəziyyət gərgin olaraq qalır.
Aprelin 1-dən 2-nə keçən gecə cəbhənin müxtəlif istiqamətlərində atəşkəs ardıcıl olaraq pozulmağa başlayıb. Həm Ermənistan, həm də Azərbaycan tərəfində itkilərin olduğu bildirilir. Azərbaycan 12, Ermənistan isə 18 hərbiçisinin həlak olduğunu açıqlayıb.
Aprelin 3-də Azərbaycan Müdafiə Nazirliyi hərbi əməliyyatları birtərəfli qaydada dayandırdığını bildirib.