Keçid linkləri

Təcili xəbərlər
2020, 02 Dekabr, çərşənbə, Bakı vaxtı 00:19

Sivil Toplum Platforması yaradılıb


Bakıda böhrana görə bağlanan dükan

-

Bakıda vətəndaş cəmiyyətinin nümayəndələri Sivil Toplum Platforması yaratdıqlarını bəyan ediblər. Platformanın məqsədi ölkədəki problemləri müzakirəyə çıxarmaqla durumun yaxşılaşmasına yardımçı olmaqdır.

Platformanın fevralın 10-da yayılmış açıqlamasında belə deyilir. Platforma manifest sənədi ilə ictimaiyyətə müraciət edib.

Müraciətdə ölkədəki ağır iqtisadi, sosial və siyası böhranın cəmiyyətin bütün kəsimlərini əhatə etdiyi vurğulanır:

“Təəssüf ki, problemlərin həllinə yönələn ciddi cəhdlər yoxdur və pafosla atılan sönük addımlar ümidverici nəticələrə səbəb olmayıb, imitasiya xarakterlidir” - deyə müraciətdə qeyd olunur.

Müraciət müəllifləri bildirirlər ki, ağır duruma rəğmən, hökumət indiyədək ondan çıxış yolu təklif etməyib. Ölkənin inkişafına dair aydın plan ortaya qoymayıb:

“Bu Manifesti yaymaqla vətəndaş cəmiyyəti adından ölkəmizin üzləşdiyi bütün problemlərdən çıxış yollarının tapılmasında iştirak etmək istəyirik. Çətin və məsuliyyətli bir tarixi dövrdə vətəndaşların səsini duyurmağa hazır olduğumuzu nümayiş etdiririk” - deyə müəlliflər vurğulayıb.

Müraciəti 26 vətəndaş cəmiyyəti nümayəndəsi -iqtisadçılar, jurnalistlər, vəkillər imzalayıblar.

Multimedia

XS
SM
MD
LG