-
«Elektron hökumət» portalında yeni xidmət istifadəyə verilib.
Məlumat Hesablama Mərkəzindən verilən məlumata görə, «Onlayn konsultasiya» adlanan xidmət vətəndaşların portala müraciəti zamanı yaşana biləcək istənilən sual və problemləri yerindəcə həll etməyə imkan verəcək.
Bu xidmətə daxil olaraq vətəndaş ad, soyadını, elektron poçt ünvanını qeyd etməli, sual və ya təkliflərin cavablanması üçün uyğun istiqaməti seçməli, daha sonra müraciətini ətraflı bildirməlidir.
«Onlayn konsultasiya» xidməti yalnız iş vaxtı fəaliyyət göstərir.