-
Mayın 21-də Avropa İttifaqı Şurasının prezidenti Donald Tusk Azərbaycan prezidenti İlham Əliyevə zəng edib.
Bu haqda president.az saytı məlumat yayıb.
Donald Tusk Bakıda yaşayış binasında baş vermiş yanğında həlak olanlarla bağlı İlham Əliyevə və Azərbaycan xalqına başsağlığı verib.
Telefon söhbətində Azərbaycan-Avropa İttifaqı əlaqələri ilə bağlı məsələlər də müzakirə edilib. Bildirilib ki, möhkəm təməllər üzərində qurulmuş bu əlaqələr hazırda siyasi, iqtisadi, enerji, nəqliyyat və digər sahələrdə uğurla inkişaf etdirilir.
Azərbaycan-Avropa İttifaqı əməkdaşlığının gələcək perspektivləri ətrafında da fikir mübadiləsi aparılıb.
İlham Əliyev Donald Tusk-u Azərbaycana rəsmi səfərə dəvət edib. Tusk dəvəti qəbul edib.