-
Elçin Musaoğlunun «Nabat» filmi Tripoli Beynəlxalq Film Festivalında «Ən yaxşı tammetrajlı bədii film» mükafatına layiq görülüb.
Bakı şəhər Mədəniyyət və Turizm İdarəsinin yaydığı xəbərə görə, mükafatı təqdim etmək üçün festivalın direktoru Elias və filmin beynəlxalq yayımçısı Nasrine Médard de Chardon Kann Beynəlxalq Film Festivalında təşkil olunan Azərbaycan pavilyonuna gəliblər.
Mükafatı qəbul edən «Azərbaycanfilm» kinostudiyasının direktoru, Azərbaycan Prodüserlər Gildiyasının sədri Müşfiq Hətəmov qonaqlara təşəkkür edib və festivalla əməkdaşlığı davam etdirəcəyini bildirib.
