İslam Dövləti təşkilatının döyüşçüləri İraqın Qərbi Anbar vilayətinin mərkəzi Ramadi şəhərindəki hökumət binalarında “qara xilafət bayrağı” qaldırıblar.
Onlar şəhərciyi ələ keçirmək üçün 6 intihar bombası partladıblar.
Şəhərcikdə vilayət qubernatorunun və polisin iqamətgahları yerləşir.
Ramadinin meri Dalaf al-Kubaisi deyib ki, cihadçılar şəhərin bir neçə başqa məntəqəsini də ələ keçiriblər və onlarla atışmada 10 polis nəfəri həlak olub.
İD-in şəhərdə kütləvi edamlar etdiyi də xəbər verilib.
Bağdadın 110 kilometrliyində yerləşən Ramadi indiyədək hökumətin nəzarətində idi.