-
Aprel ayında Azərbaycanın dövlət sərhədini pozan 38 nəfər saxlanılıb. Onların 24-ü Azərbaycan, 6-ı İran, 3-ü Özbəkistan, 2-i Rusiya, hər ölkədən bir nəfər olmaqla Tacikistan, Gürcüstan və Ukrayna vətəndaşları olub.
Xəbəri Dövlət Sərhəd Xidməti yayıb.
Xəzər dənizində 21 nəfər saxlanılıb.
Bu ay axtarışda olan 244 nəfər aşkarlanıb. 27 kiloqram 276.8 qram narkotik maddənin dövlət sərhədindən keçirilməsinin qarşısı alınıb.
Ay ərzində qaçaqmalçılıq fəaliyyəti ilə məşğul olan dörd cinayətkar dəstə zərərsizləşdirilib. Onlardan 8-i cinayət məsuliyyətinə cəlb olunaraq barələrində məhkəmənin qərarı ilə həbs-qətimkan tədbiri seçilib.