İtaliya polisi bildirib ki, ölkəyə qayıqla üzüb gələn 15 müsəlman miqrant həbs olunub. Onlar eyni qayıqda olan 12 xristianı dənizə tullamaqda şübhəli bilinirlər.
Qanadan və Nigeriyadan olan 12 xristianın dənizdə boğulub öldüyü güman edilir.
Son günlərdə Afrikadan və Yaxın Şərqdən dənizdən keçərək Avropaya gələn 10 minədək miqrant xilas edilib.
İlin əvvəllərindən dənizi keçərkən boğulanların sayı 500-ə çatıb.
Xristianlarla qayıqda dava-dalaş etmiş 15 müsəlman İtaliyanın Siciliya şəhərində həbs ediliblər.
Şübhəlilərin Fil Dişi Sahilindən, Seneqal, Mali və Qvineyadan olduqları bildirilir.