Keçid linkləri

2024, 28 Mart, Cümə axşamı, Bakı vaxtı 14:46

Saxta dollar satanlar saxlanıb


-

Daxili İşlər Nazirliyi külli miqdarda saxta əskinasın dövriyyədən çıxarılması haqda məlumat yayıb.

Məlumatda deyilir ki, Baş Mütəşəkkil Cinayətkarlıqla Mübarizə İdarəsi əməkdaşları Kamerunda anadan olmuş Belçika vətəndaşları Maput Martial və Hongla Samuel 10 min saxta ABŞ dollarını 5 min ABŞ dollarına satarkən saxlanılıblar.

Onların Xırdalan şəhərindəki kirayədə yaşadıqları evdən əlavə 10 min saxta ABŞ dolları, 1 ədəd rəngli printer və müxtəlif kimyəvi maddələr aşkar edilərək götürüldüyü bildirilir.

Məlumatda deyilir ki, bu şəxslər Yay Avropa Oyunları qabağı ölkəyə çoxsaylı turistlərin gələcəyini və xarici valyutanın daha çox istifadə olunacağını nəzərə alaraq saxta ABŞ dolları hazırlamaq və dövriyyəyə buraxaraq külli miqdarda gəlir əldə etmək istəyiblər.

Faktla bağlı Baş idarənin İstintaq şöbəsində cinayət işi başlanıb.​

XS
SM
MD
LG