Azərbaycanın Xarici İşlər Nazirliyi Latviyanın Azərbaycandakı səfiri Hardis Baumanisin vəfatı ilə əlaqədar mərhumun ailə üzvləri, yaxınları və Latviyanın Xarici İşlər Nazirliyinə başsağlığı verib.
Bu barədə mətbuata Xarici İşlər Nazirliyinin sözçüsü Hikmət Hacıyev məlumat verib.
Latviyanın Azərbaycandakı səfiri Hardis Baumanis aprelin 6-da Bakıda vəfat edib.
O, iki ölkə arasındakı əlaqələrin inkişafında böyük rol oynayıb.
Hardis Baumanis Azərbaycandan əvvəl Litvada səfir və Sankt-Peterburqda baş konsul olub.