Keçid linkləri

2017, 21 İyul, Cümə, Bakı vaxtı 04:59

Haqqını sevənlərinə halal edən Kayahan vəfat etdi


Kayahan

-

Aprelin 3-də türk bəstəkarı və müğənnisi Kayahan Açar vəfat edib.

Xəbəri türk saytları yayıb.

O, il yarımıydı ki, ağciyər xərçəngindən müalicə olunurdu. Sənətkarı müalicə edən həkimi Gökhan Demir mətbuata deyib ki, Kayahan-ın ölümünə səbəb xəstəliyin yayğınlaşması və üstəlik də bir çox orqan çatışmazlığı olub.

Bu sənətkarın xərçənglə üçüncü mübarizəsi idi. Ona ilk dəfə 25 il öncə xərçəng diaqnozu qoyulmuşdu. Uzun müalicədən sonra Kayahan sağalsa da, 11 il sonra xəstəlik yenidən baş qaldırmışdı. Bu dəfə sənətkar dörd dəfə əməliyyata düşür, radioterapiya keçir və... Sonucda ayağa durur.

2014-cü ildə yenidən xərçəngə yaxalanan Kayahan bu il martın 23-də xəstəxanaya yerləşdirilmişdi. O, martın 25-dən reanimasiyada idi.

Bu il fevralın 14-də Nilufer-lə konsertdə Kayahan pərəstişkarlarına «Mənim haqqım sizə halaldır, siz də haqqınızı halal edin» demişdi. Onu sevənlərə həmçinin «Xəyal qurun, xəyal qurduğunuz müddətdə yaşarsınız» deyə səslənmişdi.​

Sənin fikrin

Şərhləri göstər

Günün bütün mövzuları

XS
SM
MD
LG