Əfqanıstanda yoldan keçən 13 nəfər öldürülüb

-

Əfqanıstan rəsmisi bildirir ki, martın 24-də silahlılar Vardak vilayətində yoldan keçənlərə atəş açıb, 13 nəfər öldürülüb.

Silahlılar 3 maşına atəş açıblar. Ölənlər cənuba gedən avtobusun sərnişinləri olub. Silahlılar adamları bir-bir güllələyiblər. 2 nəfər də yaralanıb.

Bu vilayət əsasən Talibanın nəzarətindədir.

Hücum prezident Ashraf Ghani-nin ABŞ-a səfəri ilə eyni vaxta təsadüf edir. Ötən ilin sonunda ABŞ və NATO əsgərlərinin çoxu Əfqanıstandan çıxıb.

Ghani Birləşmiş Ştatlardan “çeviklik” istəyib. ABŞ 2016-cı ilin sonunadək qalan 9800 əsgərini də çıxarmağı planlaşdırır.

Martın 24-də Ghani ilə Prezident Barack Obama-nın bu məsələni müzakirə edəcəyi gözlənir.

ABŞ Dövlət katibi John Kerry isə Əfqanıstanın yeni liderləri ilə danışıqları “məhsuldar” adlandırıb.