"Vicdan məhbuslarına qəzet də vermirlər"
Əfv fərmanı ilə azadlığa çıxmış Orxan Eyyubzadə deyir ki, Kürdəxanı təcridxanasında ilk 3 ay saxlanma şəraiti yaxşı olmayıb. Onu karantində də çox saxlayıblar. Adi məhkumların bir-biri ilə salamlaşıb görüşməyində heç bir problem yoxdur. Siyasi məhbuslara, vicdan məhbuslarına isə uzaqdan uzağa salamlaşmağa belə imkan verilmir. Siyasi məhbuslara,vicdan məhbuslarına qəzet də vermirlər. Ancaq ictimai fəallardan kim həbs olunurdusa, həmin həbs xəbərləri dərc olunan qəzetləri onlara mütləq çatdırırlar ki, dostlarınız gəlir. İctimai fəalların kamerasında lüzumsuz axtarışlar aparılması adi hal olub. Deyir ki, yenə siyasi fəaliyyətlə məşğul olacaq. Onu da deyir ki, “azadlığa çıxmağım üçün hakimiyyətdən heç nə xahiş etməmişdim”. “Ancaq hakimiyyətdən Rəşadət Axundovu azadlığa buraxmağı xahiş edirəm. Çünki Rəşadətin azyaşlı uşağı var, Rəşadət hələ o uşağın əlindən tutub gəzdirməyib”.AzadlıqLive-da
"Kimsə həbs oluna bilməz, -stereotipi dağıldı"
“Artıq “kimlərsə həbs oluna bilməz” stereotipini dağıdıblar. “Adamlar var, düşünürlər ki, əgər bu adamlar həbs olunubsa, onda məni də həbs etmək heç nədir onların əlində”. Bəzi insanlarda müəyyən qədər qorxu yaranıb”
2011-ci il Azərbaycanın ən yeni tarixinə həm də xeyli sayda fəal gənclərin müxtəlif ittihamlarla həbs edilməsi ilə yazıldı. Beynəlxalq təşkilatlar onların demək olar ki, hamısını vicdan məhbusu kimi tanıdı. Həmin gənclərdən biri də AXCP Gənclər Təşkilatının üzvü Cabbar Savalanlıdır. AzadliqLive-da
Manatının devalvasiyasından 30 gün sonra...
Bank məsələləri üzrə mütəxəssis Əkrəm Həsənov deyir ki, manatın devalvasiyası daşınmaz əmlakın qiymətini artıra bilər. Necə? Ətraflı AzadlıqLive-da
"Surroqat analıqda zina elementləri var"
Türkiyənin Dini Komitəsi – Diyanet İşleri Başkanlığı bildirir ki, surroqat analıq dini baxımdan qəbuledilməzdir, çünki bunda zina elementləri var. Xəbəri “The Independent” Hurriyet Daily News-a istinadla yayıb. Diyanet yaydığı bəyanatda bildirib ki, evlənməmiş cütlüklər arasında süni mayalanma “insani hisslərin” təhqiri deməkdir. Qurumun mövqeyinə görə, süni mayalanmaya o zaman icazə verilər ki, sperma və yumurtalıq evli cütlüyə aiddir. Qərb mediasının icmalı AzadlıqLive-da