Fransa və Almaniya Çinin rəhbərlik etdiyi Asiya Bankına üzv olublar.
Britaniya həmin banka bundan bir qədər əvvəl üzv olmuşdu.
Hər iki ölkənin maliyyə nazirləri bidliriblər kİ, Asiya İnfrastruktur İnvestisiya Bankına (Asian Infrastructure Investment Bank) üzvlük ərizələrini təqdim ediblər.
Ötən həftə ABŞ Britaniyanın bu banka qoşulmasını kəskin tənqid etmişdi.
ABŞ Çinin nüfuzunu yayan bu bankdakı idarəetməni sual altına alır.
Ötən oktyabrda yaradılmış və 21 üzvü olan AIIB Asiyada enerji, nəqliyyat və infrastruktur layihələrini maliyyələşdirəcək.
Amerikanın tənqidinə gəlincə isə, Britaniya baş nazirinin sözçüsü deyib ki, “biz bəzən fərqli yanaşmalara uyğun hərəkət edirik”.
Təhliçilər vurğulayırlar ki, London və Vaşinqton daxili ixtilaflarını çox nadir hallarda ictimailəşdirirlər.