Kazandakı “Admiral” ticarət mərkəzində baş vermiş yanğın zamanı ölən azərbaycanlıların meyiti martın 16-da Azərbaycana gətirilib.
Tatarıstan Respublikası Azərbaycanlılar Konqresinin sədri Ziyafət Qasımov APA-ya açıqlamasında bildirib ki, Tamella Muxtarova və Pərviz Paşayevin meyitləri artıq Moskvadan Bakıya göndərilib.
Pərviz Paşayev doğulduğu Gədəbəy rayonunda, Tamella Muxtarova isə Cəlilabad rayonunda dəfn olunacaq.
Xatırladaq ki, martın 11-də azərbaycanlı sahibkara məxsus “Admiral” ticarət mərkəzində yanğın baş verib.
Hadisə zamanı xeyli ölən və xəsarət alan olub.
Dağıntılar altından çıxarılan 17 meyitdən 16-nın şəxsiyyəti müəyyənləşdirilib.
Yaralananlar arasında həmçinin Salam Tağıyev adlı bir azırbaycanlı var.
Onun səhhəti artıq yaxşılaşıb.