-
ABŞ dolları son 12 ildə avroya nisbətdə rekord həddə qalxıb.
Martın 10-da Asiya bazarında avro 1.0785 dollara bərabər olub ki, bu da 2003-cü ilin sentyabrından bəri ən aşağı səviyyədir.
Dollar həmçinin yapon yeninə nisbətdə qalxıb, hazırda bir dolların məzənnəsi 122 yendən çoxdur. Bu, 2007-ci ilin iyulundan bəri ən yuxarı həddir.
Dolların yüksəlməsinə ABŞ mərkəzi bankının bu ilin ortasından faiz dərəcəsini qaldıra biləcəyinə dair spekulyasiya səbəb olub.
Bu arada Avropa Mərkəzi Bankı martın 9-da çoxdan gözlənən kampaniyaya - avro istiqrazlar almağa başlayıb.
2002-ci il yanvarın 1-də dövriyyə buraxılanda avro dollara nisbətən zəif idi, ancaq həmin ilin sonundan məzənnəsi qalxmağa başlamışdı.