Keçid linkləri

2024, 28 Mart, Cümə axşamı, Bakı vaxtı 20:54

Taleh Xasməmmədovun məhkəməsi təxirə salınıb


Taleh Xasməmmədov
Taleh Xasməmmədov

Göyçayda hüquq müdafiəçisi Taleh Xasməmmədovun fevralın 26-na təyin edilmiş məhkəməsi təxirə salınıb.

Bu barədə Turana Göyçaydan hüquq müdafiəçisi Oqtay Gülalıyev məlumat verib.

Onun sözlərinə görə, məhkəmə prosesi ilk olaraq

fevralın 25-nə təyin edilib, amma sonradan təxirə salınaraq 26-na keçirilib.

İndi bu proses də təxirə salınıb.

Oktay Gülalıyev Taleh Xasməmmədova qarşı xuliqanlıq ittihamı ilə cinayət işi açıldığını deyir.

Taleh Xasməmmədov fevralın 24-də Göyçayda saxlanılıb.

Ailə üzvlərinin sözlərinə görə, Taleh mebel mağazasından çıxanda bir nəfər ona yaxınlaşaraq üzünə tüpürüb.

Daha sonra o yerə yıxılaraq, özünü elə aparıb ki, guya Taleh onu döyür.

Hüquq müdafiəçisi Taleh Xasməmmədov həm də facebookda yerli hakimiyyətin tənqidçisi kimi tanınır.

O, bundan öncə, 2011-ci ilin noyabrında da xuliqanlıq və polisə müqavimət ittihamı ilə 4 il azadlıqdan məhrum edilmiş və təxminən bir ildən sonra prezidentin əfv sərəncamına düşərək azad olunmuşdu.

XS
SM
MD
LG