Gürcüstanda 1921-ci il Sovet işğalının növbəti ildönümü qeyd olunur.
Rəsmilər paytaxt Tbilisidə həmin savaşda həlak olan kursantların abidəsi önünə əklil qoyublar.
Bu münasibətlə Tbilisi və ölkənin digər yerlərində mərasimlər keçirilib.
Qızıl ordu 1921-ci il fevralın 17-də Gürcüstana daxil olaraq yerli hakimiyyəti devirib və ölkəni işğal edib.
İşğala qarşı çıxan yerli kursantlar fevralın 25-də Tbilisi ətrafında Qızıl ordu tərəfindən məhv edilib.
Gürcüstan parlamenti2010-cu ildəfevralın 25-nin hər il Sovet işğalı günü kimi qeyd edilməsinə səs verib.