-
Britaniyada parlament komitəsi bildirir ki, Avropa Birliyi və Britaniya Ukrayna böhranına "gözüyumulu sürüklənməkdə günahkardır".
Lordlar Palatasının AB komitəsi fevralın 20-də hesabat yayıb. Sənəd Britaniyanı vəziyyəti idarə etməkdə "fəal olmamaqda və ya bu işdə kifayət qədər gözə görünməməkdə" ittiham edib.
Hesabatda o da bildirilir ki, AB-nin Rusiya ilə münasibəti çoxdan "müsbət məcraya" yönəlib, ölkənin daha demokratik yolla getdiyi düşünülüb.
Nəticədə isə Rusiyanın AB-nin Kiyevlə yaxınlaşmaq planlarına düşmənçiliyinin necə dərinə işlədiyi dəyərləndirilməyib.
Hesabatda deyilir ki, Britaniyanın Ukrayna qarşısında xüsusi məsuliyyəti var, bu ölkənin ərazi bütövlüyünə dair 1994-cü il Budapeşt Memorandumunu imzalayan 4 ölkədən biridir.
Britaniya Xarici İşlər Nazirliyinin sözçüsü bildirib ki, heç kəs Rusiyanın Ukraynanın şərqinə "ədalətsiz və qanunsuz" müdaxiləsinin miqyasını təsəvvür edə bilməzdi.