Avropa Birliyinin xarici işlər nazirləri xəbərdarlıq ediblər ki, BMT-nin Liviyada sülh yaratma cəhdlərinə maneçilik törədənlərə qarşı ölçü götürəcək.
4 il qabaq diktator Muammar Gaddafi devriləndən bu yana ölkədə silahlı qruplaşmalar arasında gərginlik səngimir.
Ölkənin parçalanması təhlükəsi də var.
BMT-nin xüsusi elçisi Bernadino Leon rəqib qüvvələri danışıqlar masası arxasına toplamaqda çətinlik çəkir.
AB bildirib ki, danışıqları pozanlara qarşı sanksiyalar tətbiq edilə bilər.