-
Britaniyalı müğənni Sam Smith fevralın 8-də ilin ən yaxşı mahnısına görə «Grammy» mükafatı alıb.
İlin albomu mükafatına isə amerikalı müğənni-bəstəkar Beck Hansen layiq görülüb.
22 yaşlı S.Smith iki «Grammy»ni «Mənimlə qal» («Stay With Me (Darkchild Version)») mahnısına görə alıb. Onun «Yalnız saatda» («In The Lonely Hour») debüt albomu ən yaxşı pop-vokal albomu olub.
«Grammy» mərasimi Los-Ancelesdə keçirilir.
Gecədə reper Pharrell və Beyonce də diqqət mərkəzində olub, hərəsi 3 «Grammy» alıb.
Yaddaqalan anlardan biri müğənni Katy Perry oxuyanda baş verib. ABŞ prezidenti Barack Obama şouda göstərilən video-mesajda ulduzları qadınlara qarşı zorakılığa qarşı mübarizəyə səsləyib.