“İslam Dövləti yaraqlıları öncə uşaqları oğrlayıb seksual köləyə çevirir, sonra isə onlardan intiharçı hazırlayır”.
BMT-nin uşaq hüquqları ilə bağlı komitəsinin fevralın 4-də yaydığı hesabatda belə deyilir.
Hesabata görə yaraqlılar ötən ilin iyununda İraqın şimalndakı Mosul şəhərini zəbt edərkən yüzlərlə kürd qadın və qızı oğurlayaraq zorlayıb, işgəncələrə məruz qoyub.
Məlumata görə sonradan onların çoxu intihar edib.
Uşaqlar, şikəstlər və ruhi problemi olanlardan isə intiharçı və ya canlı sədd kimi istifadə olunur.
BMT-də olan məlumata görə, yaraqlılar Mosulda 8-12 yaş arasında olan uşaqları hərbi hazırlıq keçməyə məcbur edir, sonra isə onları bomba düzəltmək, postda durmaq və digər uşaqları oğurlamağa cəlb edirlər.