Britaniya parlamenti “üçvalideynli süni mayalandırma”ya icazə verən qanunu qəbul edib.
Beləliklə, Birləşmiş Krallıq “üçvalideynli” uşaqların yaradılmasına icazə verən ilk ölkə oldu.
Belə mayalanndırma zamanı “planlaşdırılan” uşaq üçün onun əsas iki valideynindən götürülmüş hüceyrə nüvələri bir hüceyrədə əlavə donor qadından alınmış mitoxondri ilə birlikdə yetişdirilir.
Bu üsul bir sıra irsi və digər təhlükəli xəstəliklərin qarşısının alınması üçün istifadə olunacaq.
Hüceyrə üzvlərindən biri olan mitoxondri əsas nüvənin malik olduğu bütün genetik informasiyanın surətinə malik olsa da, onun daşıdığı əlamətlər yalnız anadan uşaqlara ötürülür.
Beləliklə, praktik olaraq burada söhbət iki analı və bir atalı uşaqdan gedir.
Rəsmi kilsə bu üsulun tətbiqi əleyhinə çıxırdı.
Lakin parlamentdə 90 dəqiqə davam edən debatlardan sonra qanun 282 leyhinə 128 əleyhinə nisbəti ilə qəbul edilib.