İSİD-in İraq və Suriyadakı mövqeləri bombalanıb

ABŞ və müttəfiq ölkələrin təyyarələri son 24 saat ərzində İslam Dövləti yaraqlılarının İraq və Suriyadakı mövqelərinə 14 zərbə endiriblər.

Əməliyyatlara nəzarət mərkəzindən verilən məlumata görə, İraqda zərbələr Bayci,Tal-Afar,Əl Fəllücə və Mosul şəhərindəki hərbi birləşmələr və nəqliyyat vasitələrinə endirilib.

Suriyada isə əsas hədəf yaraqlıların əlində olan Hasaka rayonundakı neft qurğusu olub.

Bundan başqa Rakka ətrafında nəqliyyat vasitələri və 1 bina, habelə Kobani ətrafındakı hərbi birləşməyə zərbələr endirilib.