-
Fevralın 2-də Müsavat Partiyasının Divanı partiya başqanlığına keçmiş namizəd Qubad İbadoğluna xəbərdarlıq edib. Bu haqda AzadlıqRadiosuna partiyadan məlumat verilib. Səbəb kimi bildilir ki, Qubad İbadoğlu üzrlü səbəb olmadan Müsavat Divanınının iclaslarını buraxır. Bunu hörmətsizlik kimi qiymətləndirən Divan üzvləri növbəti toplantıda iştirak etməyəcəyi təqdirdə Qubda İbadoğlu haqqında intizam tədbiri görüləcəyi haqda qərar qəbul ediblər.
AzadliqRadiosunun məlumatına əsasən yığıncaqda həmçinin Müsavat Qadınlar Birliyinin sədri Ellada Məmmədliyə xəbərdarlıq olunub. Onun nizamnəmə pozuntularında günahlandırıldığı bildirlir.
Qubad İbadoğlunun da başqanlığa namizəd olduğu Müsavat Partiyasının son qurultayından sonra partiyanın daxilində mübahisələr yaranmışdı.