İndoneziya bildirir ki, yoxa çıxan Malayziya təyyarəsi çox güman ki,qəzaya uğrayıb və dənizə düşüb.
Milli Axtarış və Xilasetmə Agentliyinin rəhbəri Soelistyo dekabrın 29-da deyib ki, ehtimala görə, təyyarə dənizin dibindədir. Dekbarın 28-də yoxa çıxan Airbus A320-200 təyyarəsində 162 adam var idi. Təyyarə İndoneziyadan Sinqapura uçurdu.
Təyyarə Malayziyanın AirAsia şirkətinə məxsusdur.
Bu, bu il qəzaya uğrayan 3-cü Malayziya təyyarəsidir.