İspaniya kralının böyük qızı Şahzadə Cristina korrupsiya işi ilə bağlı məhkəməyə çıxarılacaq.
O, öz əri, İnaki Urdangarinin başçılıq etdiyi korrupsiya sxemi ilə əməkdaşlıqla şübhəli bilinir.
Şahzadənin əri 20 il həbs cəzası ala bilər.
İşlə bağlı 16 şəxs məhkəməyə çıxarılır. Onlar dövlət fondlarından Noos institutu vasitəsilə 8,1 milyon dollar mənimsəməkdə ittiham olunurlar. 2004-2006-cı illərdə Noos-a Urdangarin başçılıq edib.
Cristina İspaniyada kral ailəsindən ilk şəxsdir ki, məhkəməyə çıxarılır.