2014-ci ilin ən yaxşı oyunçusuna veriləcək "Qızıl top" mükafatına namizəd olan 3 futbolçunun adı bəlli olub.
FİFA-nın məlumatına görə, Barselonanın forvardı Lionel Messi, Realının hücumçusu Kristiano Ronaldo və Bavariyanın qapıçısı Manuel Neuer finala yüksəliblər.
Qalibin adı 2015-ci il yanvarın 12-də İsveçrənin Sürix şəhərində keçiriləcək tədbirdə açıqlanacaq.
"Qızıl top" mükafatının qalibi yığma komandaların baş məşqçiləri və kapitanların səsverməsi nəticəsində müəyyənləşəcək.