Keçid linkləri

2017, 25 İyul, çərşənbə axşamı, Bakı vaxtı 08:51

Azərbaycanda Təbiət Tarixi Muzeyi yaradılacaq


Azərbaycan,Bakı. AMEA

AMEA Rəyasət Heyəti Azərbaycanda geologiya, paleontologiya, mineralogiya və fauna üzrə Təbiət Tarixi Muzeyi yaradılması barədə qərar qəbul edib.

AMEA-nən yaydığı xəbərə görə, qərar ölkə prezidenti İlham Əliyevin 20 oktyabr 2014-cü il tarixli müvafiq Fərmanının icrasından irəli gələn məsələlərin həllini təmin etmək məqsədilə qəbul olunub.

AMEA-nın Təbiət Tarixi Muzeyinin direktoru Tariyel Eybatova tapşırılıb ki, Azərbaycan Respublikasında geologiya, paleontologiya, mineralogiya və fauna üzrə Təbiət Tarixi Muzeyinin yaradılması Konsepsiyası”nı nəzərə almaqla, akademiyanın nəzdində Təbiət Tarixi Muzeyinin nizamnaməsini və strukturunu, eləcə də bu muzeyin fəaliyyətə başlaması üçün zəruri tədbirlər haqqında təklifləri hazırlayıb Yer Elmləri Bölməsinə təqdim etsin.

Qərarın icrasına nəzarət AMEA-nın vitse-prezidenti, akademik İbrahim Quliyevə həvalə olunub.

Günün bütün mövzuları

XS
SM
MD
LG