Keçid linkləri

2024, 28 Mart, Cümə axşamı, Bakı vaxtı 16:15

Məşhur multfilm ABŞ kəşfiyyatının puluyla çəkilibmiş


Animal Farm
Animal Farm

-

Məşhur ingilis yazıçısı George Orwell-in “Heyvan ferması” əsəri əsasında çəkilən multfilmin pulunu ABŞ-ın Mərkəzi Kəşfiyyat İdarəsi veribmiş.

“Telegraph” qəzeti yazır ki, bu məsələ 20 il gizli saxlanıb və ilk dəfə 1974-cü ildə keçmiş kəşfiyyatçı Everette Howard Hunt-ın “Gizli agentin xatirələri” kitabında açıqlanıb.

Sovet lideri Stalini və sovet quruluşunu ələ salan “Heyvan ferması”nın müəllifi George Orwell 1950-ci ilin qışında vəfat edəndə Hunt MKİ-nin Psixoloji Müharibə bölümündə çalışırmış.

O, Britaniyaya ezam edilir ki, yazıçının həyat yoldaşı Sonia-dan “Heyvan ferması” əsasında animasiya filmi çəkilməsi haqlarını alsın.

Hunt Sonia-nın razılığını alandan sonra prodüser olaraq Louis De Rochemont-u seçir. Filmin çəkilməsi isə Britaniyanın “Halas & Batchelor” şirkətinə sifariş olunur.

George Orwell
George Orwell

MKİ-nin filmin çəkilməsi üçün İngiltərəni seçməsinin bir neçə səbəbi vardı.Əvvəla, “Halas & Batchelor” bir neçə məşhur təbliğat filminin yaradıcısı idi.

İkincisi, bu, animasiya filmini Amerikada çəkməkdən ucuz başa gələcəkdi.

Üçüncüsü isə filmi çəkənlərin layihənin maliyyə mənbəyindən bixəbərər qalmaları asan olacaqdı. Üstəlik də İngiltərə soyuq müharibədə ABŞ-ın müttəfiqi idi.

Həqiqətən də filmi çəkənlər heç nədən xəbər tutmur, onlar üçün bu, sıradan bir sifariş idi. Amma 70 dəqiqəlik “Heyvan ferması” üzərində iş 3 il çəkir.

Animasiya filminin maliyyə mənbəyi açıqlananda bu, “Halas & Batchelor” şirkətinin nüfuzuna elə bir xətər toxundurmur.

Əksinə bu iş onlar üçün böyük təcrübə olur və sonradan yüksək səviyyəli multfilmlər çəkməyə davam edirlər.

Amma yəqin ki yazıçının özü sağ olsaydı, “Heyvan ferması”nın MKİ tərəfindən maliyyələşməsindən xoşlanmazdı.

Üstəlik də əsərinin finalının dəyişdirilməsindən razı qalmazdı.

Orwell-in əsərində zülmə məruz qalan heyvanlar xaricdən kömək istəyirlər. Və xaricdən gələn köməklə diktatoru yıxırlar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG